Shreya Maskar
दाबेली बनवण्यासाठी उकडलेले बटाटे, पाव, बारीक चिरलेला कांदा, डाळींबाचे दाणे, मसाला शेंगदाणे, बारीक शेव आणि तेल इत्यादी साहित्य लागते.
लाल तिखट, दाबेली मसाला, मीठ, तूप, कोथिंबीर, गोड चटणी, हिरवी तिखट चटणी इत्यादी मसाले लागतात.
दाबेली बनवण्यासाठी सर्वप्रथम बटाटे उकडून घ्यावे.
पॅनमध्ये तेल गरम करून त्यात जिरे, मोहरी, दाबेली मसाला, उकडलेले बटाटे आणि मीठ छान परतून घ्या.
आता हे मिश्रण बाऊलमध्ये काढून त्यात कांदा, डाळींबाचे दाणे, मसाला शेंगदाणे आणि बारीक चिरलेली कोथिंबीर टाकावी.
दुसरीकडे पावाला एका बाजूने गोड चटणी आणि दुसऱ्या बाजूने तिखट हिरवी चटणी लावावी.
पावामध्ये बटाट्याचे मिश्रण टाकून पॅनमध्ये तूप टाकून पाव दोन्ही बाजूंनी भाजून घ्यावा.
शेवटी पावामध्ये बारीक शेव, डाळींबाचे दाणे आणि बारीक चिरलेला कांदा टाकून चमचमीत दाबेलीचा आस्वाद घ्या.