Shruti Vilas Kadam
कढीपत्ता धुतल्यानंतर त्यावरील अतिरिक्त पाणी स्वच्छ कापड किंवा किचन टॉवेलने पूर्णपणे पुसून घ्या. पानांवर ओलावा राहिल्यास ती लवकर काळी पडू शकतात.
कढीपत्ता खराब होण्यामागे पानांमध्ये राहिलेला ओलावा हे प्रमुख कारण असू शकते. त्यामुळे फ्रिजमध्ये ठेवण्यापूर्वी तो पूर्णपणे कोरडा असणे महत्त्वाचे आहे.
कढीपत्ता एअर फ्रायर, मायक्रोवेव्ह किंवा नॉनस्टिक पॅनमध्ये साधारण एक-दोन मिनिटे हलका गरम करता येतो. मात्र पाने जळणार नाहीत याची काळजी घ्या.
हलका गरम केल्यानंतर कढीपत्ता पूर्णपणे थंड होऊ द्या. त्यानंतर हवाबंद डब्यात भरून ठेवल्यास तो अधिक काळ वापरण्यायोग्य राहण्यास मदत होऊ शकते.
कढीपत्ता धुऊन आणि कोरडा करून देठापासून पाने वेगळी करा. बर्फाच्या ट्रेमध्ये पाने ठेवून त्यात पाणी भरा आणि फ्रीजरमध्ये ठेवा.
बर्फ तयार झाल्यानंतर हे तुकडे झिप-लॉक पिशवीत ठेवून पुन्हा फ्रीजरमध्ये साठवता येतात. स्वयंपाक करताना गरजेनुसार एक तुकडा वापरता येतो.
कढीपत्ता वारंवार बाहेर काढून पुन्हा फ्रिजमध्ये ठेवल्यास त्याचा ताजेपणा कमी होऊ शकतो. त्यामुळे आवश्यक तेवढाच कढीपत्ता बाहेर काढून उर्वरित योग्य पद्धतीने साठवा.