Shreya Maskar
दही आणि ताक दोन्ही आरोग्यासाठी चांगले आहेत. मात्र याचे सेवन मर्यादित करावे. दही आणि ताक कोणते अधिक फायदेशीर हे तुमच्या गरजा, आहार आणि आरोग्याच्या स्थितीवर अवलंबून असते.
दह्यातील जिवंत बॅक्टेरिया आतड्यांच्या आरोग्यासाठी आणि पचनक्रियेसाठी फायदेशीर ठरू शकतात. ताकाच्या तुलनेत दही अधिक घट्ट असल्याने साधारणपणे प्रति सर्व्हिंग जास्त प्रथिने मिळू शकतात.
हाडे आणि दातांच्या आरोग्यासाठी आवश्यक असलेले कॅल्शियम दह्यात चांगल्या प्रमाणात मिळते. दही अधिक घट्ट असल्यामुळे भूक नियंत्रणात ठेवण्यास मदत होऊ शकते. दही भात, पोहे, फळे किंवा सॅलडसोबत घेता येते.
ताकामध्ये पाणी जास्त असल्याने शरीराला द्रव मिळण्यास मदत होते. घामामुळे शरीरातील द्रव कमी झाल्यावर साधे ताक एक हलके पेय ठरू शकते. पातळ केलेले साधे ताक दह्यापेक्षा कमी कॅलरीचे असू शकते.
भरपूर जेवणानंतर मसाला किंवा जास्त मीठ न घातलेले साधे ताक काही लोकांना हलके वाटते. दह्यापासून बनवलेल्या ताकात कॅल्शियमसह काही पोषक घटक मिळतात.
फ्लेवर्ड दही, गोड लस्सी, जास्त साखर असलेले पदार्थ घेण्याऐवजी साधे दही किंवा साधे ताक निवडा. तसेच ताकामध्ये अतिरिक्त मीठ जास्त प्रमाणात घालणे टाळावे.
जर तुम्हाला अधिक प्रथिने, घट्ट पोत आणि कॅल्शियम हवे असेल तर दह्याची निवड करावी. तसेच जर अधिक द्रव, पचायला हलक, हायड्रेशन हवे असेल तर ताकाची निवड करा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.