Shruti Vilas Kadam
१ कप मैदा, ¼ कप कोको पावडर, ½ कप साखर, १ टीस्पून बेकिंग पावडर, ½ टीस्पून बेकिंग सोडा, ½ कप दूध, ¼ कप तेल, १ टीस्पून व्हॅनिला इसेन्स आणि चिमूटभर मीठ घ्या.
एका भांड्यात मैदा, कोको पावडर, बेकिंग पावडर, बेकिंग सोडा आणि मीठ चाळून एकत्र मिसळा. त्यामुळे कपकेक्स अधिक मऊ होतात.
दुसऱ्या भांड्यात दूध, साखर, तेल आणि व्हॅनिला इसेन्स एकत्र करून साखर विरघळेपर्यंत व्यवस्थित फेटा.
ओले मिश्रण हळूहळू कोरड्या मिश्रणात घाला. गुठळ्या न राहता हलक्या हाताने मिसळा. बॅटर जास्त फेटू नका.
पेपर लाइनर असलेल्या कपकेक ट्रेमध्ये प्रत्येक कप ⅔ भागापर्यंत बॅटर भरा, जेणेकरून बेक होताना कपकेक्स व्यवस्थित फुगतील.
कुकरमध्ये दाकण उलट ठेवून कमी आचेवर १२ ते १५ मिनिटे (किंवा इंडक्शनवर १८-२० मिनिटांपर्यंत) बेक करा. मध्यभागी टूथपिक किंवा सुरी घालून तपासा; ती स्वच्छ बाहेर आली, तर बेकिंग पूर्ण झाले आहे असे समजावे
कपकेक्स पूर्णपणे थंड झाल्यावर चॉकलेट गनाश, व्हीप्ड क्रीम किंवा चॉकलेट चिप्सने सजवून सर्व्ह करा.