Saam Tv
घरच्या घरी बनवा मूगडाळीची खमंग आणि कुरकुरीत चकली. चवही जबरदस्त आणि बनवण्याची पद्धतही सोपी
पिवळी मूगडाळ १ कप,तांदळाचं पीठ २ कप,पांढरे तीळ १ चमचा,ओवा अर्धा चमचा,हिंग, हळद, तिखट आणि मीठ,गरम तेल किंवा तूप २ ते ३ चमचे
एक कप पिवळी मूगडाळ घ्या. ती २ ते ३ तास पाण्यात भिजत ठेवा. त्यानंतर पाणी काढून मिक्सरमध्ये बारीक वाटून घ्या.
एका भांड्यात तांदळाचं पीठ आणि मूगडाळीची पेस्ट एकत्र करा. त्यात तीळ, ओवा, हिंग, हळद, तिखट, मीठ आणि गरम तेलाचं मोहन घाला.
सर्व साहित्य एकत्र करून आवश्यकतेनुसार कोमट पाणी घाला. मऊसर पीठ मळून घ्या. तयार पीठ १० मिनिटे झाकून ठेवा.
चकलीच्या साच्याला तेल लावा. त्यात तयार पीठ भरा आणि बटर पेपर किंवा सुती कापडावर गोलाकार चकल्या पाडून घ्या.
कढईत तेल मध्यम गरम करा. चकल्या अलगद तेलात सोडा. मंद ते मध्यम आचेवर सोनेरी आणि कुरकुरीत होईपर्यंत तळून घ्या.
तळलेल्या चकल्या पूर्ण थंड होऊ द्या.त्यानंतर हवाबंद डब्यात साठवा. दिवाळीच्या फराळात चहा आणि पाहुण्यांच्या स्वागतासाठी सर्व्ह करा
NEXT : पोट हलके आणि एनर्जेटिक ठेवण्यासाठी दैनंदिन जीवनात या 8 सवयी सामील करा