Manasvi Choudhary
जेवणाची चव वाढवण्यासाठी जेवणाच्या ताटामध्ये डाळ - भातासोबत कोशिंबीर, लोणचं किंवा पापड हे पदार्थ वाढले जातात. हे पदार्थ जेवणाची चव आणखी वाढवतात.
पण तुम्हाला जर कुरकुरीत, चटपटीत काही खायचं असेल तर तुम्ही कुरकरीत फ्राय लसूण ही रेसिपी ट्राय करू शकता.
कुरकुरीत लसूण फ्राय ही रेसिपी अत्यंत सोपी आहे. तुम्ही घरीच अगदी सोप्या पद्धतीने ही रेसिपी ट्राय करू शकता.
लसूण फ्राय बनवण्यासाठी लसूण, मसाला, मीठ, लिंबाचा रस हे साहित्य एकत्र करा.
सर्वप्रथम लसणाच्या पाकळ्या स्वच्छ सोलून घ्या. तुम्हाला जर पाकळ्या हव्या असतील तर तुम्ही फक्त लसमाला मधोमध चिर मारून घ्या.
गॅसवर कढईत गरम तेलामध्ये सोललेला लसूण आणि कढीपत्त्याची पाने टाका. लसूण हलका सोनेरी आणि कुरकुरीत होईपर्यंत तळून घ्या.
लसूण फ्राय करताना करपणार नाही याची काळजी घ्या.
लसूण छान कुरकुरीत झाल्यावर एका प्लेटमध्ये काढून घ्या.
लसूणमध्ये मसाला, हळद, धणे-जिरे पावडर, चाट मसाला आणि चवीनुसार मीठ टाका.
सर्व मसाले गरम आणि कुरकुरीत लसणावर टाकल्यानंतर व्यवस्थित मिक्स करा.