Sakshi Sunil Jadhav
सकाळचा नाश्ता तुम्ही पोटभर केलात तर दिवसभर तुम्हाला छोटी छोटी भूक लागणं बंद होतं. त्याने तुमचा फॅटही कमी होतो असं तज्ज्ञ सांगतात.
बेसन चिल्ला हा हरभऱ्याच्या पीठापासून बनवला जातो. त्यामुळे त्यामध्ये असणारे वनस्पतीजन्य प्रोटीन तुम्हाला मिळते. त्यात पालक, कांदा किंवा शिमला मिरची घातल्याने फायबरही वाढतं.
मिक्स स्प्राउट्स सॅलडमध्ये मुग, हरभरे, वाटाणे यांचे मोड आलेले धान्य असतात, जे प्रोटीन, फायबर आणि आवश्यक जीवनसत्त्वांनी भरपूर असतात. लिंबाचा रस आणि थोडे चाट मसाला घातल्याने स्प्राउट्सची सॅलड चविष्ट आणि पौष्टिक बनतं.
व्हेज उपमा हा जरी कार्बोहायड्रेट्सने भरलेला असला, तरी त्यात भाजलेले शेंगदाणे घातल्यास प्रोटीनचे प्रमाण वाढते. शेंगदाण्यांमुळे उपमाला चव तर मिळतेच, पण नाश्ता जास्त संतुलित आणि पोटभरही बनतो.
ग्रीक योगर्ट किंवा घट्ट दही हे उच्च प्रतीच्या प्रोटीनचे उत्तम स्रोत मानले जातात.
तुम्ही त्यावर बदाम, अक्रोड आणि बिया (सीड्स) घातल्या की हेल्दी फॅट्सही मिळतात, जे शरीरासाठी फायदेशीर असतात.
तुम्ही हा प्रोटीनयुक्त नाश्ता केल्यात तर तुमचं वजन नियंत्रणात राहील, स्नायू बळकट होतील आणि दिवसभर भूक नियंत्रणात राहण्यास मदत होईल.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.