ब्युरो रिपोर्ट, साम टीव्ही, मुंबई
बहुचर्चित असलेल्या कोस्टल रोडचा बोगदा समुद्राखालून की जमिनीखालून या कारणांवरून नवा वाद निर्माण झाला आहे.
काही दिवसांपूर्वी मुंबईतील एका सामाजिक कार्यकर्त्याने हा बोगदा समुद्राखालून जात नसल्याचा दावा केला आहे.
त्यानंतर काही दिवसात आता मुंबई पालिकेने नेपियन सी रोडजवळील कोस्टल रोड बोगद्याचा साइनबोर्ड बदलला आहे.
उद्घाटनावेळी “भारताचा पहिला समुद्राखालील बोगदा” असा बोर्ड लावण्यात आला होता.
तीन आठवड्यांपूर्वी कोस्टल रोडचं उद्घाटन पार पडलं होतं
आता या नव्या बोर्डवर त्यांनी 'टीबीएम तंत्रज्ञान वापरून तयार केलेला सर्वात मोठा व्यासाचा बोगदा' असं म्हटलं आहे.
मुळात हा बोगदा समुद्राखालूनच जात असल्याचे मुंबई महानगरपालिकेचे म्हणणे आहे.