Shreya Maskar
ख्रिसमसला खास चॉकलेट कप केक बनवा. ही रेसिपी फक्त १० मिनिटांत बनवता येईल. लहान मुलांना खूप आवडेल.
चॉकलेट कप केक बनवण्यासाठी कोको पावडर, मैदा, कस्टर शुगर, बेकिंग पावडर, व्हॅनिला इसेन्स, बेकिंग सोडा, मीठ, न्यूट्रल तेल , दूध, क्रीम, डार्क चॉकलेट, पिठीसाखर, दूध, संत्र्याचा किस इत्यादी साहित्य लागते.
चॉकलेट कप केक बनवण्यासाठी सर्वप्रथम एका बाऊलमध्ये कोको पावडर, मैदा, कस्टर शुगर, बेकिंग पावडर, बेकिंग सोडा आणि चिमूटभर मीठ घालून मिश्रण एकत्र करून घ्या.
यात न्यूट्रल तेल, दूध आणि व्हॅनिला इसेन्स घालून गुळगुळीत पेस्ट बनवा. मिश्रण जास्त घट्ट किंवा जास्त पातळ होणार नाही, याची काळजी घ्या.
तयार मिश्रण एका कपमध्ये टाकून २-५ मिनिटे मायक्रोवेव्हमध्ये बेक करा. तुम्ही पाहिजे तर या मिश्रणात ड्रायफ्रूट्स देखील टाकू शकता.
पॅनमध्ये ताजी क्रीम आणि डार्क चॉकलेट एकत्र करून मध्यम आचेवर गरम करा. चॉकलेट पूर्णपणे वितळल्यावर त्यात पिठीसाखर आणि दूध घालून चांगले मिसळा.
नंतर त्यात अर्ध्या संत्र्याचा किस घालून एक उकळी काढून घ्या. अशाप्रकारे चॉकलेट सिरप तयार झाले आहे.
आता कप केकमध्ये हॉट चॉकलेट टाकून सजवा. तुम्ही यावर चोको चिप्स देखील टाकू शकता.