Shreya Maskar
हिवाळ्यात वीकेंडला नाश्त्याला चटपटीत पदार्थांची मेजवानी करा. यासाठी मुलांची आवडती चायनीज भेळ घरी बनवा.
स्ट्रीट स्टाइल चटपटीत चायनीज भेळ तुम्ही घरी झटपट बनवू शकता. आताच खास रेसिपी आणि साहित्य लिहून घ्या.
चायनीज भेळ बनवण्यासाठी नूडल्स, कांदा, टोमॅटो, कोथिंबीर, मॅगी मसाला, कोबी, चाट मसाला, चायनीज शेव, बटर, टोमॅटो केचप, लिंबाचा रस, शेजवान चटणी इत्यादी साहित्य लागते.
चायनीज भेळ बनवण्यासाठी सर्वप्रथम पॅनमध्ये तूप टाकून नूडल्सचे तळून घ्या. नूडल्स मस्त गोल्डन फ्राय करा.
बाऊलमध्ये टोमॅटो केचप, मॅगी मसाला, चाट मसाला आणि शेजवान चटणी टाकून मिक्स करा. एक पेस्ट बनवा.
आता मोठा बाऊल घेऊन फ्राय केलेले नूडल्स ,चायनीज शेव आणि तयार मसाला टाकून मिश्रण चांगले एकजीव करून घ्या.
यात बारीक चिरलेला कांदा, टोमॅटो, कोबी, फरसबी या भाज्या टाकून मिक्स करा. शेवटी यावर लिंबाचा रस पिळा.
यात कोथिंबीर भुरभुरवा आणि टोमॅटो केचप मिक्स करा. चटपटीत स्ट्रीट स्टाइल चायनीज भेळ फक्त १० मिनिटांत तयार झाली.