Shreya Maskar
दूरच्या वस्तू किंवा वर्गातील फळ्याकडे पाहताना स्पष्ट दिसण्यासाठी तुमचे मूल डोळे बारीक करत असू शकते. यामुळे त्यांच्या डोळ्यांवर ताण येतो.
मूल टीव्हीच्या अगदी जवळ बसतात. तसेच फोन किंवा पुस्तक चेहऱ्याच्या खूप जवळ धरू वाचतात. त्यांना लांबचे दिसायला त्रास होतो.
डोळे अति प्रमाणात चोळणे हे चष्मा लागण्याचे मुख्य लक्षण आहे. स्पष्ट पाहण्यासाठी डोळ्यांवर ताण आल्यामुळे ते थकले आहेत.
दृष्टीवर ताण आल्यामुळे शाळेनंतर किंवा वाचन केल्यानंतर डोकेदुखी किंवा डोळे दुखण्याचा त्रास होऊ शकतो.
अस्पष्ट दिसणारी प्रतिमा स्पष्ट करण्यासाठी मूल एखादा डोळा बंद करू शकते किंवा मान तिरकी करू शकते. मुलं गोष्ट स्पष्ट दिसण्यासाठी प्रयत्न करताना दिसतात.
वाचताना ओळ किंवा शब्द चुकणे, शब्द वगळणे किंवा वाचताना बोटाचा आधार घेणे अशा समस्या उद्भवू शकतात. स्पष्ट न दिसल्यामुळे येणाऱ्या नैराश्यामुळे मूल अभ्यासापासून किंवा आपल्या आवडत्या पुस्तकांपासून दूर जाऊ शकते.
अंतर अचूकपणे न समजल्यामुळे मुलाच्या हालचालींमध्ये ताळमेळ नसणे किंवा वस्तू धडकणे असे प्रकार घडू शकतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.