Surabhi Jayashree Jagdish
हार्ट अटॅकचं सर्वात सामान्य आणि महत्त्वाचं लक्षण म्हणजे छातीत दाब, जडपणा, आवळल्यासारखे वाटणं किंवा वेदना होणं. ही वेदना काही मिनिटं टिकू शकते किंवा कमी-जास्त होत पुन्हा जाणवू शकते
हार्टमधील वेदना अनेकदा फक्त छातीपुरत्या मर्यादित राहत नाहीत. त्या डाव्या हातात, दोन्ही खांद्यांमध्ये, पाठीत, मानेत किंवा जबड्यातही पसरू शकतात. अशा प्रकारच्या वेदनांकडे सामान्य स्नायूंचा त्रास समजून दुर्लक्ष करू नये.
विशेष शारीरिक मेहनत न करता अचानक श्वास लागणं हे हार्ट अटॅकचं सुरुवातीचं लक्षण असू शकतं. काही व्यक्तींना छातीत वेदना नसतानाही श्वास घेण्यास त्रास होऊ शकतो. अशा स्थितीत त्वरित डॉक्टरांचा सल्ला घेणे गरजेचे आहे.
कोणतंही स्पष्ट कारण नसताना थंड घाम येणं हे हृदयाशी संबंधित समस्येचं लक्षण असू शकतं. यासोबत अस्वस्थता, घाबरल्यासारखं वाटणं किंवा बेचैनी जाणवू शकते. ही लक्षणे विशेषतः इतर चेतावणी संकेतांसोबत दिसल्यास गंभीरतेने घ्यावीत.
अचानक चक्कर येणं, डोकं हलकं वाटणं किंवा बेशुद्ध पडण्याची भावना निर्माण होणं हे हार्ट अटॅकचे संकेत असू शकतात. हृदयाकडून मेंदूकडे पुरेसा रक्तपुरवठा न झाल्यास अशी लक्षणं दिसू शकतात.
काही व्यक्तींमध्ये हार्ट अटॅकपूर्वी मळमळ, उलटी किंवा पोटात जडपणा व अस्वस्थता जाणवू शकते. विशेषतः महिलांमध्ये आणि वृद्धांमध्ये अशी लक्षणं अधिक दिसून येऊ शकतात. त्यामुळे ही लक्षणं केवळ पचनाचा त्रास समजून दुर्लक्ष करू नयेत.
हृदयाचे ठोके अचानक खूप वेगाने, जोरात किंवा अनियमितपणे जाणवणं हेही एक चेतावणीचं लक्षण असू शकतं. ही समस्या चक्कर येणं, अशक्तपणा किंवा श्वास लागणं यांसोबतही दिसू शकते. वारंवार असं होत असल्यास हृदयरोगतज्ज्ञांचा सल्ला घ्यावा.
हार्ट अटॅकची सर्व लक्षणं प्रत्येक व्यक्तीत सारखीच दिसतील असं नाही. काहींना फक्त एक-दोन लक्षणं जाणवतात तर काहींमध्ये अनेक लक्षणं एकत्र दिसू शकतात. त्यामुळे अगदी सौम्य वाटणाऱ्या लक्षणांनाही गांभीर्याने घेणं आवश्यक आहे.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.