Shruti Vilas Kadam
३ ते ४ मध्यम आकाराचे बटाटे, अर्धा कप ब्रेड क्रम्ब्स, २ चमचे कॉर्नफ्लोअर, १०० ग्रॅम मोझरेला किंवा प्रोसेस्ड चीज, अर्धा चमचा काळी मिरी पावडर, अर्धा चमचा चिली फ्लेक्स, अर्धा चमचा ओरेगॅनो, चवीनुसार मीठ, २ चमचे मैदा तळण्यासाठी तेल, कोटिंगसाठी ब्रेड क्रम्ब्स
सर्वप्रथम ३ ते ४ मध्यम आकाराचे बटाटे कुकरमध्ये उकडून घ्या. बटाटे थंड झाल्यावर त्यांची साल काढून चांगले मॅश करून घ्या. बटाट्यांमध्ये गुठळ्या राहणार नाहीत याची काळजी घ्या.
एका भांड्यात मॅश केलेले बटाटे घ्या. त्यात अर्धा कप ब्रेड क्रम्ब्स, २ चमचे कॉर्नफ्लोअर, चवीनुसार मीठ, अर्धा चमचा काळी मिरी पावडर, चिली फ्लेक्स आणि थोडे ओरेगॅनो घालून चांगले मिक्स करा.
आता मोझरेला चीज किंवा प्रोसेस्ड चीजचे छोटे चौकोनी तुकडे करून घ्या. हे चीज बॉल्सच्या आत भरण्यासाठी वापरायचे आहे. यामुळे बॉल्सला छान चीजचा स्वाद येईल.
तयार बटाट्याच्या मिश्रणाचा छोटा गोळा हातावर घ्या. तो थोडा चपटा करून त्याच्या मध्यभागी चीजचा तुकडा ठेवा. आता मिश्रणाने चीज पूर्णपणे झाकून गोल आकार द्या.
एका भांड्यात २ चमचे मैदा आणि थोडे पाणी घालून पातळ मिश्रण तयार करा. दुसऱ्या भांड्यात ब्रेड क्रम्ब्स घ्या. तयार बॉल्स आधी मैद्याच्या मिश्रणात बुडवा आणि नंतर ब्रेड क्रम्ब्समध्ये घोळवून घ्या.
कढईत तेल गरम करा. तेल मध्यम गरम झाल्यावर त्यात तयार बॉल्स सोडा. मध्यम आचेवर ते सोनेरी आणि कुरकुरीत होईपर्यंत तळून घ्या. त्यानंतर टिश्यू पेपरवर काढा.
तयार झालेले गरमागरम चीझ बॉल्स प्लेटमध्ये काढा. त्यावर थोडे चिली फ्लेक्स आणि ओरेगॅनो भुरभुरवा. टोमॅटो केचप किंवा मेयोनीजसोबत हे कुरकुरीत चीझ बॉल्स सर्व्ह करा.