Sakshi Sunil Jadhav
थंड पाण्याऐवजी कोमट किंवा गरम पाणी वापरल्यास कणिक जास्त मऊ होतं. यामुळे चपातीला लवचिकपणा मिळतो आणि तव्यावर ती सहज फुगते.
पीठ मळून झाल्यावर ते लगेच लाटू नका. त्याऐवजी ते ओल्या कपड्याने झाकून ठेवा. यामुळे ग्लूटेन तयार होऊन चपाती मऊ बनते.
जाड लाटल्यावर चपाती नीट फुगत नाही. हलकी आणि समान जाडीची चपाती लाटल्याने तव्यावर चांगली फुगते.
तवा खूप थंड किंवा खूप गरम नसावा. मध्यम आचेवर तवा ठेवून चपाती शेकवल्यास ती नीट फुगते.
पहिल्या बाजूला फक्त ५ ते ७ सेकंद ठेवा आणि लगेच पलटवा. दुसऱ्या बाजूला तपकिरी डाग आले की पुन्हा पलटून हलक्या हाताने दाबा.
चपाती भाजून झाल्यावर त्यावर हलकं तूप लावल्यास ती दीर्घकाळ मऊ राहते आणि सुगंधही छान येतो.
शेवटी चपाती तव्यावर ठेवून हलक्या हाताने दाबल्यास ती टम्म फुगते आणि मऊ राहते.