Manasvi Choudhary
घरात चपाती किंवा पोळी उरली असेल तर ती फेकून देण्याऐवजी तुम्ही एक चटपटीत आणि चविष्ट रेसिपी करा.
लहानमुलांसाठी तुम्ही नाश्त्याला ही रेसिपी ट्राय करू शकता. उरलेल्या चपातीपासून तुम्ही झटपट आणि चटपटीत फ्रॅन्की बनवा.
चपातीची फ्रॅन्की बनवण्यासाठी चपाती, बटाटे, कांदा, सिमला मिरची, आले- लसूण पेस्ट, हिरवी मिरची, गरम मसाला, चाट मसाला, हळद, टोमॅटो, शेजवान चटणा, बटर, मीठ हे साहित्य करा.
फ्रॅन्की बनवण्यासाठी सर्वातआधी बटाट्याची मसालेदार भाजी बनवून घ्या.
गॅसवर बटर लावून चपाती हलकीशी भाजून घ्या. त्यानंतर भाजलेल्या चपातीवर टोमॅटो सॉस, शेजवान चटणी लावा.
भाजलेल्या चपातीवर तयार केलेली मसालेदार बटाट्याची भाजी लांबट आकारात ठेवा. त्यावर थोडा कच्चा कांदा बारीक करून टाका आणि चाट मसाला किंवा जिरा पावडर टाका. त्यानंतर चपातीचा रोल करा.
गॅसवर तव्यावर बटर लावूनफ्रॅन्कीचा रोल दोन्ही बाजूंनी छान कुरकुरीत होईपर्यंत भाजून घ्या.