Shruti Vilas Kadam
चंद्रनमस्कार हा सूर्यनमस्कारासारखाच योग प्रकार आहे, पण तो अधिक शांत आणि रिलॅक्सिंग मानला जातो. शरीर आणि मनाला संतुलित ठेवण्यासाठी हा योग उपयुक्त ठरतो.
ताडासनातून सुरुवात करून हात वर उचला, पुढे वाका, लंज पोझमध्ये जा आणि विविध योगासनांच्या मदतीने हळूहळू मूळ स्थितीत या. श्वसनावर लक्ष केंद्रित ठेवणं महत्त्वाचं असतं.
चंद्रनमस्कारामुळे मन शांत राहण्यास मदत मिळते. तणाव, चिंता आणि मानसिक थकवा कमी करण्यासाठी हा योग फायदेशीर मानला जातो.
रात्री झोपण्यापूर्वी चंद्रनमस्कार केल्यास शरीर रिलॅक्स होतं आणि झोपेची गुणवत्ता सुधारण्यास मदत मिळू शकते.
या योगातील विविध स्ट्रेचिंग पोझमुळे हात, पाय, पाठ आणि कंबर अधिक लवचिक बनण्यास मदत होते. शरीरातील ताणही कमी होतो.
चंद्रनमस्कार हार्मोनल संतुलन राखण्यास मदत करू शकतो. मासिक पाळीदरम्यान होणारा ताण आणि अस्वस्थता कमी करण्यासाठीही तो उपयुक्त मानला जातो.
चंद्रनमस्कार शांत वातावरणात आणि संथ गतीने करावा. सुरुवातीला तज्ज्ञांच्या मार्गदर्शनाखाली सराव केल्यास योग्य पोश्चर राखणे सोपे जाते.