Shreya Maskar
अनेकांना दिवसातून ४-५ कप चहा पिण्याची सवय असते. जास्त चहा तुमच्या हृदयाचे आरोग्य बिघडवू शकते, त्यामुळे वेळीच सावध व्हा.
आरोग्य तज्ज्ञांच्या मते, चहा प्यायल्यानंतर काही लोकांच्या हृदयाची धडधड वाढू शकते. यामागे मुख्य कारण चहातील कॅफिन असू शकते. कॅफिनचा हृदयावर गंभीर परिणाम होतो.
कॅफिन हे stimulant (उत्तेजक-घटक ) आहे. जे मेंदू आणि मज्जासंस्थेचे कार्य वाढवते, त्यामुळे काही लोकांमध्ये हृदयाचे ठोके वेगाने जाणवतात किंवा धडधड जाणवते.
कॅफिनमुळे काही वेळासाठी ॲड्रेनालिनची (Hormone-संप्रेरक) क्रिया वाढू शकते, ज्यामुळे हृदयाची गती आणि जागरूकता वाढते.
रिकाम्या पोटी, जास्त प्रमाणात किंवा कमी झोपेत चहा घेतल्यास संवेदनशील व्यक्तींना हा परिणाम अधिक जाणवू शकतो.
चहामुळे वारंवार धडधड होत असेल तर चहाचे प्रमाण कमी करा. दिवसातून एकदा चहा पिणे योग्य ठरेल.
धडधड वारंवार होत असेल, खूप वेगाने/अनियमित ठोके जाणवत असतील, त्यासोबत छातीत दुखणे, श्वास लागणे, चक्कर येणे किंवा बेशुद्धी असेल तर वैद्यकीय तपासणी आवश्यक आहे.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.