Shreya Maskar
गाजर-पोहा कटलेट बनवण्यासाठी बटाटे, गाजर, पोहे, मटार, कोथिंबीर, शेवया, गव्हाचे पीठ, मसाले, लिंबाचा रस, मीठ इत्यादी साहित्य लागते.
गाजर-पोहा कटलेट बनवण्यासाठी सर्वप्रथम कुकरमध्ये बटाटे, गाजर आणि मटार उकडून घ्या. कुकरच्या ३-४ शिट्ट्या काढा.
त्यानंतर 10 मिनिटे पोहे पाण्यात भिजत ठेवा. एका बाऊलमध्ये उकडलेले बटाटे, गाजर आणि मटार चांगले मॅश करून घ्या.
मॅश केलेल्या मिश्रणात भिजवलेले पोहे आणि कोथिंबीर घाला. तुम्ही यात तुमच्या आवडीचे पदार्थ देखील टाकू शकता. उदा चीज, शेंगदाणे
त्यानंतर यात सर्व मसाले टाका. (धने पूड, जिरे पूड, चाट मसाला, लाल तिखट, लिंबाचा रस, इतर) मसाले मिक्स झाल्यावर चवीनुसार मीठ टाका.
आता या मिश्रणात पाणी टाकून कणिक मळून घ्या. मिश्रणाचे छोटे छोटे गोळे करून त्याला कटलेटचा आकार द्या. जास्त जाड कटलेट बनवू नका.
शेवटी सगळे कटलेट्स शेवयांमध्ये कोट करा आणि तेलात खरपूस तळा. गोल्डन फ्राय झाले की पोहा कटलेट काढून घ्या.
कुरकुरीत कटलेट्स चटपटीत पुदिना चटणी , तसेच सॉससोबत खा. सकाळी आणि संध्याकाळी नाश्त्यासाठी ही भन्नाट रेसिपी आहे.