Surabhi Jayashree Jagdish
लोखंडी कढई नवी असो किंवा जुनी, योग्य काळजी न घेतल्यास तिच्यावर चिकटपणा येतो आणि पदार्थ तव्याला चिकटतात. काही घरगुती, पारंपरिक उपाय केल्यास लोखंडी कढई पुन्हा नॉन-स्टिकसारखी वापरता येते.
भाजी टाकण्यापूर्वी कढई थोडी गरम करा. मग तेल घालून ते तापू द्या. यामुळे पदार्थ तव्याला चिकटत नाहीत.
कढईत थोडं तेल घेऊन कापलेला कांदा किंवा बटाटा परतावा. भाजी काढून टाकल्यानंतर कढई पुसून ठेवा. यामुळे नैसर्गिक नॉन-स्टिक थर तयार होतो.
स्वयंपाकानंतर कढई पूर्ण थंड होऊ देऊ नका. कोमट किंवा गरम पाण्यानेच हलक्या हाताने धुवा.थंड पाणी वापरल्यास चिकटपणा वाढतो.
लोखंडी कढईला वारंवार साबण लावू नये. साबणामुळे तयार झालेला तेलाचा थर निघून जातो. यामुळे कढई पुन्हा चिकट होते.
धुतल्यानंतर कढई गॅसवर क्षणभर तापवून वाळवा. ओलसर ठेवली तर गंज आणि चिकटपणा वाढतो. कोरडी कढई जास्त काळ चांगली राहते.
कढईत जाड मीठ घालून मध्यम आचेवर 5–7 मिनिटं तापवा. मीठ काळंसर झाल्यावर कढई थंड करून कोरड्या कापडाने पुसा. यामुळे चिकट थर निघून जातो.