Shreya Maskar
कोणताही पदार्थ खाताना त्यांचे प्रमाण लक्षात घेणे खूप महत्त्वाचे असते. एखाद्या पदार्थाचे जास्त प्रमाणात सेवन केल्यामुळे ते शरीराला घातक ठरू शकते. त्यामुळे रोजच्या आहारातील पदार्थ खाताना विशेष काळजी घ्यावी.
स्मोकिंग, क्युरिंग किंवा मीठ लावून टिकवून ठेवलेले मांस आरोग्यास घातक असते. उदा. हॉट डॉग्ज हे पदार्थ खाणे टाळा.
स्टार्च असलेले पदार्थ खूप उच्च तापमानावर शिजवल्याने 'ॲक्रिलामाइड' नावाचे कर्करोगजन्य ठरू शकणारे संयुग तयार होते. मांस आगीवर थेट भाजल्याने HCAs आणि PAHs सारखी हानिकारक रसायनेही तयार होतात.
मद्यपान हे यकृत, तोंड, स्तन आणि आतड्यांच्या कर्करोगासह अनेक प्रकारच्या कर्करोगांसाठी घातक ठरते.
पोषक तत्वे नसलेली थंड आणि गोड पेय पिऊ नका. उदा. सोडा, कोल्ड ड्रिंक साखरयुक्त पदार्थांचे अतिसेवन यामुळे लठ्ठपणा येतो आणि शरीरात दीर्घकालीन दाह निर्माण होतो.
मोठ्या प्रमाणावर प्रक्रिया केलेल्या पदार्थांमध्ये अनेकदा फायबरचे प्रमाण कमी असते, पोषक मूल्यांचा अभाव असतो आणि हानिकारक ॲडिटिव्ह्ज असतात. या सर्व गोष्टींचा संबंध कर्करोगाच्या गाठी तयार होण्याच्या वाढत्या धोक्याशी जोडला जाऊ शकतो.
फास्ट फूड आणि स्ट्रीट फूड खाणे कमी करा आणि शक्य असल्यास टाळा. पदार्थांची चव वाढवण्यासाठी त्यात कृत्रिम रंग टाकले जातात आणि प्रक्रिया केली जाते. यासाठी अनेक पदार्थांचा वापर होतो. ज्यामुळे ट्यूमर होण्याचा धोका वाढू शकतो.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.