Shreya Maskar
उन्हाळ्यात शरीराला हायड्रेट ठेवणे खूप गरजेचे आहे. त्यामुळे कॅफेत जाऊन २००-३०० रुपयांची कोल्ड कॉफी पिण्यापेक्षा घरीच सिंपल पद्धतीने मिक्सर आणि ब्लेंडरचा वापर न करता कोल्ड कॉफी बनवा. रेसिपी नोट करा.
कोल्ड कॉफी बनवण्यासाठी फुल क्रीम दूध, कॉफी पावडर, साखर, गरम पाणी, व्हॅनिला आईस्क्रीम किंवा फ्रेश क्रीम, चॉकलेट सिरप आणि बर्फाचे तुकडे इत्यादी साहित्य लागते.
कोल्ड कॉफी बनवण्यासाठी सर्वप्रथम एका मोठ्या बॉटलमध्ये कॉफी पावडर आणि साखर एकत्र करा. त्यात २ मोठे चमचे गरम पाणी घालून चांगले ढवळा. यामुळे कॉफीचा स्वाद अधिक खुलून येतो.
आता यात थंड दूध मिक्स करा. त्यानंतर मिश्रण दाट आणि फेसदार होईपर्यंत जोरात फेटा किंवा हलवा. तुम्ही यात हात आणि चमच्याचा वापर करा. २-३ मिनिटांत कोल्ड कॉफी चांगली मिक्स होईल. यामुळे दाट आणि घट्ट फेस तयार होईल.
सर्व्हिंग ग्लासच्या काठावर चॉकलेट सिरप ओता. त्यानंतर तयार कोल्ड कॉफी मिक्स करा. यात बर्फाचे तुकडे टाका. अशाप्रकारे कॅफे स्टाइल कॉफी तयार होईल.
कोल्ड कॉफीची चव आणखी वाढवण्यासाठी व्हॅनिला आईस्क्रीमचा एक स्कूप त्यात टाका आणि वरून कॉफी पावडर शिंपडा.
थंड कॉफी मिनिटांत ताजेतवाने करून शरीराला ऊर्जा देते. गरम कॉफीच्या तुलनेत कमी आम्लतेमुळे ती पोटासाठी फायदेशीर ठरते.
कोल्ड कॉफी काळी किंवा कमी-कॅलरीयुक्त पदार्थांसोबत प्यायल्यास ती शरीरातील पाण्याचे प्रमाण वाढवते. चयापचय क्रिया सुधारते.