Manasvi Choudhary
जेवल्यानंतर ढेकर येणे ही आपल्या पचनसंस्थेशी निगडित अत्यंत नैसर्गिक प्रक्रिया आहे.
जेवण झाल्यावर १-२ वेळा ढेकर येणे सामान्य मानले जाते, परंतु जर तुम्हाला प्रत्येक वेळी जेवल्यानंतर वारंवार ढेकर येत असतील तर याची कारणे जाणून घ्या.
जेवल्यानंतर ढेकर का येतात यामागची प्रमुख कारणे या वेबस्टोरीतून जाणून घ्या.
जेव्हा तुम्ही घाईघाईत अन्न खाता किंवा जेवताना बोलत असता, तेव्हा अन्नासोबत मोठ्या प्रमाणावर बाहेरील हवा अन्ननलिकेतून पोटात जाते. आणि पोटात साचलेली ही अतिरिक्त हवा जेव्हा बाहेर फेकली जाते तेव्हा ढेकर येतो.
अनेक लोकांना घाईघाईत अन्न न चावता गिळण्याची सवय असते. यामुळे पचनसंस्थेला अन्न पचवण्यासाठी जास्त मेहनत करावी लागते. मोठ्या तुकड्यांमुळे पोटातील वायूचा ताण वाढतो आणि ढेकर येतात.
जर अन्नाचे योग्य पचन झाले नाही, तर पोटात गॅस तयार होतो. तसेच जठरातील आम्ल वरच्या दिशेने अन्ननलिकेकडे येते, ज्यामुळे छातीत जळजळ होते आणि वारंवार ढेकर येतात.
जेवणासोबत किंवा जेवल्यानंतर लगेच कोल्ड ड्रिंक्स, सोडा किंवा कार्बोनेटेड पेये पिल्याने पोटात कार्बन डायऑक्साइड वायू तयार होतो, ज्यामुळे मोठा ढेकर येतो.
पोट साफ नसेल किंवा आतड्यांची हालचाल मंदावली असेल तर पोटातील वायू वरच्या दिशेने दाब निर्माण करतो, ज्यामुळे सतत ढेकर येत राहतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.