Shreya Maskar
रात्री शांत झोपेत असताना अचानक श्वास घ्यायला त्रास होणे, गुदमरल्यासारखे वाटणे किंवा धाप लागल्यामुळे जाग येणे असे अनेकांसोबत होते. यामागचे नेमकं कारण काय, जाणून घेऊयात.
आरोग्य तज्ज्ञांच्या मते, झोपेच्या दरम्यान श्वासोच्छवासाच्या समस्या सामान्यतः स्लीप ॲप्नियाचे लक्षण आहे.
झोपेत श्वसनमार्ग अरुंद किंवा बंद झाल्यामुळे काही काळ श्वास थांबू शकतो. त्यामुळे व्यक्तीला अचानक गुदमरल्यासारखे वाटून जाग येते. मोठ्याने घोरणे, झोपेत धाप लागणे आणि दिवसा सतत थकवा जाणवणे ही याची सामान्य लक्षणे आहेत.
हृदयाची पंप करण्याची क्षमता कमी झाल्यास फुफ्फुसांमध्ये द्रव साचू शकतो. अशा वेळी झोपेतून अचानक धाप लागून जाग येऊ शकते.
पोटातील आम्ल अन्ननलिकेत किंवा घशाकडे परत आल्यामुळे जळजळ, आंबट ढेकर, खोकला किंवा घशात अडथळा आल्यासारखे वाटू शकते. विशेषतः जेवल्यानंतर लगेच झोपल्यास त्रास वाढू शकतो.
श्वसनमार्गाचा संसर्ग, दीर्घकालीन फुफ्फुसांचे आजार किंवा इतर श्वसनविकारांमुळे रात्री धाप लागू शकते. त्यामुळे फुफ्फुसाचे आजार असणाऱ्या लोकांनी सावध रहावे.
दम्यामुळे रात्री खोकला, छातीत आवळल्यासारखे वाटणे, घरघर आणि श्वास सोडताना त्रास होऊ शकतो.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.