Shreya Maskar
उच्च रक्तदाबाचे मुख्य लक्षण म्हणजे तीव्र डोकेदुखी होणे. विशेषता वारंवार सकाळी डोके दुखते. तसेच अनेकदा डोक्याच्या मागील बाजूस वेदना जाणवतात.
कामा दरम्यान वारंवार श्वास घेण्यास त्रास होणे किंवा थकवा जाणवणे. सामान्य हालचाली करताना श्वास घेण्यास त्रास होणे.
वारंवार चक्कर येणे हे देखील हाय बीपीचे लक्षण आहे. अस्थिर वाटणे, भोवळ येणे असे त्रास होतात. यासाठी शरीर कायम हायड्रेट ठेवा.
छाती जड वाटणे, छातीत वेदना जाणवणे जे हृदयावरील तीव्र ताणाचे लक्षण असू शकते. यामुळे ताणतणाव कमी करा आणि आनंदी रहा.
उच्च रक्तदाबामुळे डोळ्यांमधील रक्तवाहिन्यांचे नुकसान होऊ शकते, ज्यामुळे दृष्टी अस्पष्ट होते किंवा दृष्टीमध्ये बदल घडून येतात. रेटिनाची समस्या उद्भवते.
सर्व साधारणपणे अस्वस्थ, थकल्यासारखे किंवा मानसिकदृष्ट्या गोंधळल्यासारखे वाटते. सतत मनात चलबिचल होते. छातीत धडधडल्यासारखे किंवा ठोके चुकल्यासारखे वाटणे.
वजन वाढणे हे देखील उच्च रक्तदाबाचे लक्षण आहे. अचानक वजनात फरक दिसू लागतो. शरीराचे वजन वाढल्याने रक्तवाहिन्यांवर ताण पडतो आणि रक्तदाब वाढतो.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.