Shreya Maskar
आजकाल ब्लड प्रेशरची समस्या वाढताना दिसत आहे. ब्लड प्रेशरच्या रुग्णांनी आपल्या आहारात मीठाचे प्रमाण किती असावे, जाणून घ्या.
आरोग्य तज्ज्ञांच्या मते, जेव्हा आपला रक्तदाब सामान्य पातळीपेक्षा (१२०/८० mmHg) जास्त असतो, तेव्हा त्याला उच्च रक्तदाब म्हणतात आणि जेव्हा रक्तदाब खूप कमी (९०/६० mmHg पेक्षा कमी) असतो, तेव्हा त्याला कमी रक्तदाब म्हणतात.
उच्च रक्तदाबाचा त्रास असलेल्या लोकांनी प्रथम तीन दिवस रक्तदाब तपासा, नंतर तीन दिवस थोडे जास्त मीठ खा आणि रीडिंग घ्या, आणि मग कमी मीठ खाऊन तुमचा रक्तदाब तपासा. तुमच्या रीडिंगवरून तुम्हाला कळेल की तुम्ही मिठासाठी संवेदनशील आहात की नाही.
ही टेस्ट त्यांच्यासाठी आहे, ज्यांना माहित नाही की त्यांचा रक्तदाब उच्च राहतो की कमी, किंवा मीठाच्या सेवनाने त्यात चढ-उतार होतो की नाही.
रक्तदाब कमी असल्यास, मीठ योग्य प्रमाणात सेवन करा. पण जास्त असल्यास थोडे कमी खा. आरोग्य तज्ज्ञांच्या मते, उच्च रक्तदाबाच्या बाबतीत, सोडियमचे प्रमाण दररोज १ टीस्पून मीठ इतके मर्यादित ठेवावे.
जेव्हा रक्तदाब कमी होतो, तेव्हा शरीरात पाण्याची कमतरता भासू लागते. अशा परिस्थितीत, मीठाचे पाणी पिण्याचा सल्ला दिला जातो, जेणेकरून पाण्याची आणि सोडियमची कमतरता भरून काढता येईल.
शरीरातील पाण्याच्या कमतरतेमुळे रक्ताचे प्रमाणही कमी होऊ लागते, ज्यामुळे रक्तदाब कमी होतो. याउलट, उच्च रक्तदाबामध्ये शरीरात अतिरिक्त पाणी जमा होते, त्यामुळे रक्ताचे प्रमाण वाढते आणि रक्तवाहिन्यांवर दाब येऊ लागतो. अशा परिस्थितीत, कमी मीठ खाण्याचा सल्ला दिला जातो.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.