Manasvi Choudhary
वडापाव हा महाराष्ट्राचा प्रसिद्ध खाद्यपदार्थ आहे. झणझणीत बटाटा वडा आणि लाल लसणाची चटणी लहानांपासून सर्वांनाच आवडते.
पण जर तुम्हाला नेहमीचा वडापाव खाऊन कंटाळा आला असेल, तर तुम्ही त्यात काही भन्नाट ट्विस्ट ट्राय करू शकता. आज आम्ही तुम्हाला वडापावच्या ४ चविष्ट रेसिपी सांगणार आहोत.
क्लासिक स्टाईल वडापाव हा नेहमीचा पारंपारिक मुंबई स्टाईल वडापाव आहे. उकडलेल्या बटाट्यांमध्ये मोहरी, कढीपत्ता, हिरवी मिरची आणि आल्याची फोडणी देऊन तुम्ही हा वडापाव तयार करा.
चीज खायला आवडणाऱ्यांसाठी खास बटाट्याचे गोळे बनवताना त्याच्या मध्यभागी प्रोसेस्ड चीज किंवा मोझरेला चीज क्युब ठेवा आणि मग बेसन लावून तळावा. वडा गरम असतानाच कापल्यावर आतून वितळलेले चीज बाहेर येते. अत्यंत टेस्टी वडापाव लागतो.
इंडो-चायनीज फ्लेवर आवडणाऱ्यांसाठी शेझवान वडापाव बेस्ट आहे. यात पावाच्या एका बाजूला तिखट-गोड शेझवान सॉस आणि दुसऱ्या बाजूला मयोनीज लावा म्हणजे भारी टेस्ट लागते.
मसाला ग्रिल वडापाव अत्यंत टेस्टी लागतो. नेहमीप्रमाणे वडापाव तयार केल्यानंतर पावाच्या बाहेरील बाजूला बटर आणि थोडा पावभाजी मसाला लावून ग्रिलमध्ये टोस्ट करून बनवा.