Shreya Maskar
बॉलिवूड अभिनेत्री ममता कुलकर्णी यांनी महाकुंभमेळ्यात संन्यास घेतला. ममता कुलकर्णी या किन्नर आखाड्याच्या महामंडलेश्वर बनल्या होत्या.
ममता कुलकर्णी यांनी आता 25 वर्षांनी टिव्हीवर धमाकेदार कमबॅक केले आहे. ज्यामुळे प्रेक्षकांना चांगलाच धक्का बसला आहे. त्या एका नवीन शोमधून प्रेक्षकांच्या भेटीला येणार आहे.
मीडिया रिपोर्टनुसार, ममता कुलकर्णी या 'लाफ्टर शेफ्स अनलिमिटेड एंटरटेनमेंट सीझन ३' या शोमध्ये दिसणार आहेत. हा एक कुकिंग रिअॅलिटी शो आहे.
अलिकडेच ममता कुलकर्णी या 'लाफ्टर शेफ्स ३' च्या सेटवर दिसल्या. सुंदर गुलाबी आणि गोल्डन रंगाची साडी त्यांनी नेसली होती. त्या या कार्यक्रमासाठी खूपच उत्साही पाहायला मिळाल्या.
'लाफ्टर शेफ्स ३' चे होस्टिंग कॉमेडी क्वीन भारती सिंग करणार असून, शोचे परीक्षक शेफ हरपाल सिंह सोखी हे आहेत.
मीडियाशी बोलताना त्या म्हणाल्या की, "मी 25 वर्षांनंतर टिव्हीवर परत येत आहे. जीवन खूप गंभीर झाले आहे, तेव्हा स्वयंपाक करताना हसण्यापेक्षा चांगले काय असू शकते?" असे बोलत त्यांनी आपला आनंद व्यक्त केला."
ममता कुलकर्णी यांनी 90चे दशक गाजवले आहे. ममता कुलकर्णी यांनी 1991 मध्ये 'नानबरगल' या तमिळ चित्रपटातून आपल्या अभिनय करिअरची सुरुवात केली.
ममता कुलकर्णी यांनी 1992 मध्ये 'तिरंगा' या चित्रपटातून बॉलिवूडमध्ये पदार्पण केले. ममता कुलकर्णी खूप काळ दुबई राहत होत्या.