Manasvi Choudhary
नवरात्रोत्सवामध्ये देवीच्या पूजेसोबतच नऊ दिवस नऊ रंगांना विशेष महत्व असते. उद्या नवरात्रीचा चौथा दिवस आहे. नवरात्रीच्या चौथ्या दिवशी निळा रंग आहे.
निळा रंग हा विश्वास, शांतता, ऊर्जा आणि भव्यतेचे प्रतीक मानला जातो. नवरात्रीच्या निळ्या रंगाच्या दिवशी महिला निळ्या रंगाची साडी परिधान करतात.
तुम्हालाही निळ्या रंगामध्ये सुंदर साडी घ्यायची असेल तर तुम्ही लेटेस्ट डिझाईन्स आणि पॅटर्न्सच्या साड्या पाहा.
गडद निळ्या रंगावर सोनेरी किंवा चंदेरी जरी वर्क केलेली बनारसी साडी तुम्ही निवडू शकता. पूजा किंवा अस्सल मराठमोळा लूकसाठी हा पॅटर्न एकदम परफेक्ट आहे.
आजकाल ऑरगॅन्झा साडी ट्रेंडमध्ये आहे. हलक्या निळ्या रंगाच्या साडीवर फ्लोरल प्रिंट्स किंवा गोटा पट्टी वर्क असतो त्यामुळे साडीचा लूक सिंपल आणि सुंदर दिसतो.
पैठणी साडी कायमच मराठमोळ्या लूकसाठी निवडली जाते. नवरात्रीत देवीच्या पूजेसाठी तुम्ही निळ्या रंगाची पैठणी साडी नेसू शकता. साडीच्या पदरावर असणारे आकर्षक मोर आणि जरीचा काठ असेल.
तुम्हाला जर हलकी- फुलकी, दिवसभर घालण्यासाठी निळ्या रंगाची साडी हवी असेल तर तुम्ही कॉटन साडी निवडू शकता.
मोठ्या काठाच्या साड्यांचा सध्या ट्रेंड आहे. ट्रेडिशनल लूकसाठी तुम्ही निळ्या रंगाची कांजीवरम साडी निवडा.