Shruti Vilas Kadam
कॉर्सेट स्टाइल ब्लाउज साडीला मॉडर्न आणि ग्लॅमरस लूक देतो. फिटेड डिझाइनमुळे हा ब्लाउज विशेष उठून दिसतो. प्लेन सिल्क, ऑर्गेन्झा किंवा सॅटिन साडीसोबत हा ब्लाउज सुंदर दिसतो. लग्नातील रिसेप्शन किंवा कॉकटेल पार्टीसाठी हा बेस्ट पर्याय आहे.
नेहमीच्या ब्लाउजपेक्षा वेगळा लूक हवा असल्यास केप स्लीव्ह्ज डिझाइन निवडा. खांद्यावरून खाली येणाऱ्या हलक्या केपमुळे साडीला आकर्षक आणि एलिगंट लूक मिळतो. रिसेप्शन किंवा संध्याकाळच्या कार्यक्रमासाठी हा ब्लाउज साडी किंवा लेहेंग्यासोबत उठून दिसतो.
पफ स्लीव्ह्ज म्हणजे खांद्याला फुगवट्याच्या आकाराच्या असलेला ब्लाउज. पारंपरिक आणि रेट्रो लूक आवडणाऱ्या हिलांसाठी हा पर्याय उत्तम आहे. बनारसी, सिल्क किंवा शिफॉन साडीसोबत हा ब्लाउज घातल्यास लूकला वेगळीच शोभा येते.
हॉल्टर नेक ब्लाउजमध्ये गळ्याभोवती आधार देणारी डिझाइन असते. कॉकटेल पार्टी, संगीत किंवा रिसेप्शनसाठी सॅटिन, जॉर्जेट आणि ऑर्गेन्झा साडीसोबत हा ब्लाउज घालता येतो.
ब्लाउजच्या मागच्या बाजूला डीप कट, डोरी आणि आकर्षक लटकन असलेले डिझाइन साध्या साडीला ग्लॅमरस टच देते. बनारसी, पैठणी किंवा सिल्क साडीसोबत हे डिझाइन छान दिसते.
भरतकाम, मिरर वर्क, सिक्विन किंवा मोत्यांची सजावट असलेले ब्लाउज सण आणि लग्नसमारंभासाठी क्लासी पर्याय आहेत. साध्या साडीसोबत हे ब्लाउज घातल्यास संपूर्ण पोशाख उठून दिसतो.
व्ही-नेक ब्लाउज क्लासिक आणि स्टायलिश लूक देतो. त्यावर हलके भरतकाम, सोनेरी बॉर्डर किंवा साधे फिनिशिंग करता येते. सिल्क, कॉटन, शिफॉन आणि जॉर्जेट साड्यांसोबत या ब्लाऊजचे प्रकार अधिक उठून दिसतात.