Saam Tv
पुरुषांच्या लघवीतून रक्त येत असेल तर ही गंभीर बाब आहे. त्यामागे अनेक कारण आणि आजार असू शकतात.पुढील माहितीत आपण याबद्दल जाणून घेऊयात.
युरिनरी ट्रॅक्ट इन्फेक्शन झाल्यामुळे लघवीतून रक्त येण्याची समस्या जाणवते. यासोबत सतत लघवीला लागणं, जळजळ आणि वेदना होऊ शकतात.
बऱ्याच पुरुषांना जीमला जायची सवय असते. पण तिथे जास्त प्रमाणात व्यायाम केल्याने पुरुषांना लघवीतून रक्त येण्याची समस्या जाणवू शकते. याला एक्सरसाइज - इंड्यूस्ड हेमॅच्युरिया म्हणतात.
किडनीत किंवा पुरुषांच्या मुत्राशयात खडा असेल तर लघवीतून रक्त येऊ शकतं. कंबरदुखी, पोटदुखी आणि मळमळच्या समस्यांनाही सामोरं जावं लागू शकतं.
वय वाढल्यानंतर प्रोस्टेटचा आकार वाढू शकतो. त्यामुळे लघवीत अडथळा येऊ शकतो आणि रक्त येण्याची समस्या वाढते.
अपघात किंवा इतर कारणांमुळे किडनीला जखम किंवा दुखापत झाली असेल तर लघवीतून रक्त येतं आणि खूप वेदनाही होतात.
लघवीत रक्त येणं हे प्रोस्टेट कॅन्सरचं सुरुवातीचं लक्षण असतं.त्यासोबत वजन कमी होणं आणि खालच्या भागात वेदना जाणवतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.