Shreya Maskar
पालघर जिल्ह्यातील वसई येथील भुईगाव बीच हा स्वच्छ वाळू, शांत पाणी आणि गर्दीपासून दूर असलेल्या निसर्गरम्य वातावरणासाठी एक उत्तम ठिकाण आहे.
रानगाव बीचच्या जवळ असलेला भुईगाव बीच किनारा नारळाच्या झाडांनी वेढलेला असून, सूर्यास्त पाहण्यासाठी आणि विकेंडला कुटुंबासोबत निवांत वेळ घालवण्यासाठी पर्यटकांना पसंतीस पडतो.
वसईतील भुईगाव बीच येथे घोडेस्वारीची सुविधा उपलब्ध आहे. त्यामुळे लहान मुलांना घेऊन येथे नक्की जा. भुईगाव बीचला गेल्यावर तुम्ही बोटिंगचा देखील आनंद घेऊ शकता.
भुईगाव बीच मऊ वाळू पाहायला मिळते. तुम्ही येथे निसर्गाच्या सानिध्यात प्री-वेडिंग शूट देखील करू शकता. त्यामुळे हे मुंबईजवळील स्वर्ग म्हणायला काही हरकत नाही.
वसई रोड किंवा नालासोपारा स्टेशनला उतरून तुम्ही रिक्षा किंवा बसने भुईगावला पोहोचू शकता. तेथून तुम्ही भुईगाव बीचला लवकर जाल.
भुईगाव बीचसोबतच वसई येथे अर्नाळा बीच, तुंगारेश्वर वन्यजीव अभयारण्य, चिंचोटी धबधबा आणि वज्रेश्वरी गरम पाण्याचे झरे आहेत.
भुईगाव बीचला पावसाळ्यात आणि हिवाळ्यात भेट द्या. कारण येथे हिरवागार निसर्ग बहरतो. तसेच थंड हवेचे वारे आपल्या मनाला स्पर्श करतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. वरील माहितीला विकिपीडियाचा संदर्भ आहे.