Shreya Maskar
भुईगाव बीच हा महाराष्ट्रातील वसई येथे वसलेला एक शांत आणि स्वच्छ समुद्रकिनारा आहे. हे ठिकाण नयनरम्य सूर्यास्त आणि प्री-वेडिंग फोटोशूट्ससाठी अत्यंत लोकप्रिय आहे.
विरार गाडी पकडून तुम्ही वसईला उतरा. त्यानंतर पश्चिम दिशेला जा. स्टेशन बाहेर आल्यावर रिक्षाने तुम्ही भुईगाव बीचपर्यंत पोहचू शकता.
भुईगाव बीच काळ्या वाळूचा एक शांत आणि रमणीय किनारा आहे. अरबी समुद्राचे सुंदर दृश्य पाहायला मिळते. तसेच हा किनारा हिरव्यागार झाडांनी वेढलेला आहे.
तुम्हाला निसर्गाच्या सानिध्यात फोटोशूट, प्री-वेडिंग फोटोशूट आणि व्हिडीओ शूट करायचे असेल तर हे लोकेशन बेस्ट आहे. येथे वीकेंडला गर्दी पाहायला मिळते. मावळणाऱ्या सूर्यासोबत येथे सुंदर फोटो क्लिक करता येतात.
भुईगाव बीच घनदाट झाडी (सुरू, नारळी-सुपारीची झाडे) आणि पश्चिमेला अथांग अरबी समुद्राने वेढलेला आहे. हा बीच पर्यटकांना कोकणासारखा किंवा 'मिनी गोवा' सारखा अनुभव देतो.
पावसाळ्यात आणि हिवाळ्यात भुईगाव बीचला भेट द्या. तसेच तुम्ही येथे संध्याकाळी निवांत फेरफटका मारायला जा. तुम्हाला थंडगार वारा स्पर्श करेल. तसेच येथे तुम्हाला घोडेस्वारीचा आनंद घेता येतो.
वसई-विरारमध्ये अनेक समुद्रकिनारे पाहायला मिळतात. यात सुरुची बीच, नवापूर बीच, राजोडी बीच, कळंब बीच, बेना बीच यांचा समावेश आहे.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.