Sakshi Sunil Jadhav
साधी गिलकी ची भाजी अनेकांना आवडत नाही. पण मसालेदार भरली गिलकीची ही रेसिपी सध्या गृहिणींमध्ये खूप लोकप्रिय ठरत आहे.
गिलकी, शेंगदाणे, जिरे, धने, लसुन, गरम मसाला, काळा मसाला, लाल तिखट, हळद आणि कोथिंबीर इ.
सर्वप्रथम गिलकी आधी स्वच्छ धुवा त्यावरील साल काढून घ्या त्यानंतर मध्ये चीर देऊन आतील गर हलक्या हाताने काढून घ्या
मिक्सरमध्ये शेंगदाणे,जिरे,धने आणि लसूण टाकून जाडसर मसाला तयार करा. यामध्ये गरम मसाला,धने पावडर आणि काळा मसाला मिक्स करा.
तयार मिश्रणात मीठ,हळद,लाल तिखट आणि बारीक चिरलेली कोथिंबीर घालून मसाला एकजीव करून घ्या.
तयार मसाला गिलक्याची आत व्यवस्थित भरून घ्या. त्यामुळे प्रत्येक घासाला मसालेदार चव मिळेल.
एकीकडे तेल गरम करून त्यात मोहरी आणि जिरे तडतडू द्या. त्यानंतर भरलेली गिलकी हलक्या हाताने परतून घ्या.
आता झाकण ठेवून मंद आचेवर शिजवू द्या त्यामुळे मसाला आतपर्यंत मुरतो आणि भाजी अधिक स्वादिष्ट लागते.
गरम भाकरी सोबत गिलकीची भाजी अगदी भन्नाट लागते वरून कोथिंबीर घालून सजवा आणि गरम भाकरी किंवा पोळी बरोबर सर्व्ह करा ही भरलेली गिलकी घरातील सगळ्यांनाच नक्की आवडेल.