Shreya Maskar
'अम्ब्रेला फॉल्स' (Umbrella Falls) हा धबधबा अहिल्यानगर (अहमदनगर) जिल्ह्यातील भंडारदरा येथील सह्याद्री पर्वतरांगांमधील ऐतिहासिक 'विल्सन धरणा'जवळ वसलेला आहे.
भंडारदरा बस स्थानकापासून हाकेच्या अंतरावर असलेला हा धबधबा (उंची ५०० फूट) तेव्हा तयार होतो, जेव्हा धरणातून अतिरिक्त पाणी नैसर्गिक खडकांवरून खाली कोसळते.
प्रवरा नदीच्या काठावर वसलेला हा धबधबा मुंबईपासून सुमारे १८५ किमी आणि पुण्यापासून १५० किमी अंतरावर आहेत.
पावसाळ्याच्या महिन्यांत (जुलै ते ऑक्टोबर) जेव्हा धरण ओव्हरफ्लो होते, तेव्हा पाण्याचा प्रवाह एखाद्या उघडलेल्या छत्रीसारखा दिसतो; या काळात धबधब्याचे सौंदर्य अनुभवणे सर्वोत्तम ठरते.
धबधबा आणि धरण यांना जोडणारा एक विशेष पादचारी पूल (फूटब्रिज) आहे, जिथून पाण्याचा प्रवाह आणि आजूबाजूच्या हिरव्यागार टेकड्यांची विहंगम दृश्ये पाहता येतात.
नैसर्गिकरित्या स्थित खडकांवर आदळणाऱ्या पाण्याच्या प्रवाहामुळे छत्रीचा विशिष्ट आकार तयार होतो, जो छायाचित्रकार आणि निसर्गप्रेमींसाठी मुख्य आकर्षण ठरतो.
'अम्ब्रेला फॉल्स'जवळ 'आर्थर लेक','अमृतेश्वर मंदिर' आणि 'रंधा धबधबा' ही ठिकाणे आहेत. पावसाळ्यात येथे आवर्जून ट्रिप प्लान करा.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.