Manasvi Choudhary
स्वयंपाकघरातील मसाल्यापैकी एक म्हणजे जिरा. जिऱ्याचा वापर अनेक अन्नपदार्थ्यांमध्ये केला जातो.
जिरा केवळ जेवणाची चवच नाही तर आरोग्यासाठीही फायदेशीर मानला जातो.
अनेक डाएटप्रेमी जिऱ्याचे पाणी पितात. जिऱ्याचे पाणी प्यायल्याने वजन कमी होते आणि पचनक्रिया सुधारते.
परंतु अनेकांना प्रश्न पडतो की, जेवणाआधी की जेवणानंतर जिऱ्याचे पाणी नेमकं प्यावं कधी?
आरोग्य तज्ज्ञांच्या मते, सकाळी रिकाम्या पोटी जिऱ्याचे पाणी पिण्याची वेळ योग्य आहे.
सकाळी जिऱ्याचे पाणी पिण्यापूर्वी रात्री एक चमचा जिरे पाण्यात भिजवून ठेवा. सकाळी ते पाणी उकळून किंवा गाळून कोमट असताना प्या यामुळे शरीरातील विषारी घटक बाहेर पडतात.
जर तुम्हाला वजन कमी करायचे असेल किंवा अपचनाचा त्रास होत असेल, तर जेवणाआधी साधारण २० ते ३० मिनिटांआधी जिऱ्याचे पाणी प्या.
जेवणानंतर गॅस, अॅसिडिटी आणि छातीत मळमळ होण्याचा त्रास असणाऱ्यांनी जेवणानंतर अर्ध्या तासानंतर जिऱ्याचे पाणी प्यावे.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.