Shruti Vilas Kadam
साधे पांढरे मीठ प्रत्येक घरात वापरले जाते. यामध्ये सोडियम आणि क्लोराइड असते. काही मिठात आयोडीन मिसळलेले असते. आयोडीनमुळे थायरॉईड ग्रंथीचे काम व्यवस्थित चालण्यास मदत होते.
काळ्या मिठाची चव आणि वास वेगळा असतो. भेळ, चाट, रायता आणि कोशिंबिरीमध्ये याचा वापर केला जातो. काही लोक काळे मीठ खाल्ल्याने गॅसचा त्रास कमी होतो असे मानतात.
खडे मीठ जमिनीतून मिळते. यालाच सेंधा मीठ किंवा रॉक सॉल्ट म्हणतात. हे पांढऱ्या आणि गुलाबी रंगात मिळते. उपवासाच्या पदार्थांमध्ये याचा वापर केला जातो.
साधे मीठ, काळे मीठ आणि खडे मीठ या तिन्हींमध्ये सोडियम असते. त्यामुळे कोणतेही मीठ जास्त खाऊ नये. मिठाचे प्रमाण कमी ठेवणे गरजेचे आहे.
आयोडीन शरीरासाठी खूप महत्त्वाचे असते. यामुळे थायरॉईड ग्रंथी व्यवस्थित काम करते. शरीरात आयोडीन कमी झाल्यास थायरॉईडच्या समस्या निर्माण होऊ शकतात. त्यामुळे रोजच्या जेवणात आयोडीनयुक्त मीठ वापरणे चांगले.
जास्त मीठ खाणे आरोग्यासाठी हानिकारक ठरू शकते. त्यामुळे दिवसभरात ५ ग्रॅमपेक्षा कमी मीठ खावे. यात घरातील जेवणातील आणि बाहेरच्या पदार्थांमधील मिठाचाही समावेश होतो.
रोजच्या जेवणासाठी आयोडीनयुक्त साधे मीठ वापरणे चांगले. काळे मीठ आणि खडे मीठही चवीनुसार वापरू शकता. पण, मिठाचा वापर नेहमी कमी प्रमाणात करावा.