Surabhi Jayashree Jagdish
अकोला हा विदर्भातील सर्वाधिक उष्ण शहरांपैकी एक मानलं जातं आणि उन्हाळ्यात तापमान 45°C पर्यंत पोहोचतं. याठिकाणी हवामान कोरडं असल्यामुळे उष्णतेचा त्रास अधिक जाणवतो. त्यामुळे स्थानिक लोक उन्हाळ्यात जवळच्या थंड ठिकाणी जाण्याला प्राधान्य देतात.
अकोल्यासारख्या उष्ण हवामानाच्या भागात राहणाऱ्या लोकांना उन्हाळ्यात थंड हवेची ठिकाणं म्हणजे मोठा दिलासा ठरतात. जवळपास असलेली निसर्गरम्य ठिकाणं तुम्हाला पिकनीकसाठी परफेक्ट प्लेस ठरतील.
चिखलदरा हे अकोल्यापासून सुमारे 100-110 किमी अंतरावर असून थंड हवामानासाठी प्रसिद्ध आहे. याठिकाणी वर्षभर तापमान तुलनेने कमी राहतं त्यामुळे उन्हाळ्यातही गारवा जाणवतो.
मेळघाट टायगर रिझर्व्ह हे दाट जंगल आहे. याठिकाणी हिरवळ, थंड हवा आणि शांत वातावरणामुळे उन्हाळ्यातही आरामदायक वाटतं. ट्रेकिंग आणि जंगल सफारीसाठी हे ठिकाण खास आहे.
गाविलगड किल्ला चिखलदऱ्याजवळ असून उंचावर असल्यामुळे याठिकाणी गार वारे वाहतात. किल्ल्याच्या परिसरातून सुंदर निसर्गदृश्य पाहायला मिळतं. इतिहासप्रेमींसाठी आणि फोटोशूटसाठी हे ठिकाण उत्तम आहे.
शहानूर धरणाच्या परिसरात पाण्यामुळे थंडावा जाणवतो. याठिकाणी निसर्गाच्या सान्निध्यात वेळ घालवताना मनाला शांती मिळते. पिकनिकसाठी हे ठिकाण स्थानिकांमध्ये लोकप्रिय आहे.
नर्नाळा किल्ला डोंगररांगांमध्ये वसलेला असल्यामुळे याठिकाणी गार हवा अनुभवायला मिळतो. किल्ल्याचा परिसर हिरवाईने नटलेला असून ट्रेकिंगसाठी उपयुक्त आहे. इतिहास आणि निसर्ग यांचा सुंदर संगम पाहायला मिळतो.