Siddhi Hande
मुंबईचा फेमस वडापाव हा सर्वांनाच आवडतो. मुंबईत ठिकठिकाणी वडापावचे स्टॉल असतात.
वडापावच्या स्टॉलवर तुम्हाला बटाटा भजी, कांदा भजी आणि मिरची भजीदेखील मिळतात.
बेसनातली कुरकुरीत मिरची तुम्ही घरच्या घरी बनवू शकतात. ही रेसिपी खूपच सोपी आहे.
मिरची भजी बनवण्यासाठी पोपटी रंगाच्या मिरच्या घ्या. या मिरच्या मधून कापून घ्या. त्याचे दोन तुकडे करु नका.
यानंतर मिरच्यांमध्ये थोडं मीठ टाकून ठेवा. या मिरच्या ५ मिनिटं तशाच ठेवा.
यानंतर मिरच्यांमधील मीठ बाहेर काढून टाका परंतु मिरची धुवू नका. जेणेकरुन त्यातील तिखटपणा निघून जाईल.
यानंतर एका भांड्यात बेसन पीठ घ्यायचे आहे. त्यात थोडं लाल तिखट आणि मीठ टाका. यात थोडी कोथिंबीरदेखील टाकू शकतात.
या बेसन पीठात पाणी टाकून छान मिक्स करा. पिठाच्या गुठल्या होऊ देऊ नका.
यानंतर मिरच्या या पीठात घोळवून घ्या. सगळीकडून मिरच्यांना बेसन पीठ लागायला हवे.
एका बाजूला कढईत तेल गरम करायला ठेवा. तेल छान कडकडीत गरम झाल्यावर त्यामध्ये एकेक मिरची सोडा.
मिरची छान गोल्डन ब्राउन होईपर्यंत तळून घ्या. ही मिरची खूप कुरकुरीत लागते.
Next: फ्रिजमधील लिंबूही लगेच सुकतात? 'ही' ट्रिक फॉलो करा, Lemon राहतील ताजे