Shruti Vilas Kadam
सुरुवातीला दररोज २ ते ५ मिनिटे स्किपिंग करा. शरीराला सवय झाल्यानंतर हळूहळू १० ते १५ मिनिटांपर्यंत वेळ वाढवू शकता. दररोज १० मिनिटे स्किपिंग केल्याने शरीराचे वजन आणि व्यायामाचा वेग यानुसार अंदाजे ८० ते १४० कॅलरीज बर्न होऊ शकतात.
स्किपिंग हा कार्डिओ व्यायामाचा एक प्रकार आहे. नियमित स्किपिंग केल्याने हृदयाची कार्यक्षमता आणि शारीरिक सहनशक्ती सुधारण्यास मदत होऊ शकते.
स्किपिंग करताना पोटऱ्या, मांड्या आणि पायांच्या इतर स्नायूंवर कार्यरत होतात. नियमित स्किपिंगमुळे स्नायूंची ताकद आणि सहनशक्ती वाढण्यास मदत होते.
दोरीवर उड्या मारताना हात आणि पाय यांच्यात योग्य समन्वय ठेवावा लागतो. त्यामुळे नियमित सरावाने शरीराचा समतोल सुधारण्यास मदत होऊ शकते.
स्किपिंग हा वजन पेलून केला जाणारा व्यायाम आहे. त्यामुळे हाडांच्या आरोग्यासाठी स्किपिंग उपयुक्त ठरू शकतो.
नियमित स्किपिंग केल्याने श्वसन आणि हृदयाची कार्यक्षमता सुधारण्यास मदत होऊ शकते. त्यामुळे दैनंदिन कामे करताना थकवा कमी जाणवतो आणि शरिराची क्षमता वाढते.
स्किपिंग करण्यासाठी जिममध्ये जाण्याची गरज नसते. घरच्या घरी थोड्या जागेत दोरीच्या मदतीने हा व्यायाम करता येतो. सुरुवातीला कमी वेळ उड्या माराव्या हळूहळू वेळ वाढवावा.
डिस्क्लेमर: ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.