Shruti Vilas Kadam
एका भांड्यात एक ते दीड कप पाणी घ्या. त्यात आल्याचे एक छोटे ठेचलेले तुकडे आणि ५ ते ७ तुळशीची पाने घाला. हे मिश्रण ५ ते ७ मिनिटे उकळू द्या. त्यानंतर चहा गाळून घ्या. चवीनुसार थोडा मध घालू शकता. मात्र, मध घालण्यापूर्वी चहा थोडा कोमट होऊ द्या.
आले आणि तुळशीचा चहा प्यायल्याने घशाला आराम मिळू शकतो. सर्दीमुळे होणारी घशातील खवखव आणि अस्वस्थपणा कमी होण्यास मदत होते.
आल्यामध्ये दाह कमी करण्यास मदत करणारे घटक असतात. कोमट आले-तुळशीचा चहा प्यायल्याने घशातील कोरडेपणा आणि खवखव कमी होण्यास मदत होऊ शकते.
आले पचनक्रियेला मदत करू शकते. जेवणानंतर पोट फुगणे किंवा गॅसचा त्रास होत असल्यास आल्याचा चहा काही लोकांना आराम देऊ शकतो.
आल्याचा वापर मळमळ कमी करण्यासाठी केला जातो. आले-तुळशीचा चहा प्यायल्याने काही लोकांना मळमळीचा त्रास कमी होण्यास मदत होऊ शकते.
तुळस आणि आल्यामध्ये अँटिऑक्सिडंट गुणधर्म असलेले घटक आढळतात. हे घटक शरीरातील पेशींचे ऑक्सिडेटिव्ह तणावापासून संरक्षण करण्यास मदत करू शकतात.
थंडीच्या दिवसांत गरमागरम आले-तुळशीचा चहा प्यायल्याने शरीराला उब मिळते. त्यामुळे थंड वातावरणात हा चाहा आरामदायी ठरू शकते.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.