Shreya Maskar
तुम्हाला वारंवार ब्युटी पार्लरमध्ये पैसे वाया घालवायचे नसतील तर बीटरूट फेस पॅक चेहऱ्याला लावा. बीटरूटमध्ये अँटीऑक्सिडंट्स, व्हिटॅमिन सी आणि लोह असते, जे त्वचेला नैसर्गिक गुलाबी चमक देतात.
बीटरूट फेस पॅक बनवण्यासाठी बीटाचा रस, संत्र्याची पावडर, गुलाबपाणी इत्यादी साहित्य लागते . हे सर्व एका बाऊलमध्ये मिक्स करून घट्टसर पेस्ट बनवा.
बीटरूट फेस पॅक चेहऱ्यावर लावून १५-२० मिनिटे ठेवून द्या. पेस्ट सुकल्यानंतर चेहरा थंड पाण्याने स्वच्छ धुवून घ्या. त्यानंतर मॉइश्चराइज करा.
बीटरूट फेस पॅक आठवड्यातून तीन वेळा तुम्ही चेहऱ्याला लावू शकता. तसेच तुम्ही बीटाची साल चेहऱ्यावर चोळा. यामुळे गुलाबासारखे तेज चेहऱ्याला येते.
सततच्या प्रवासामुळे टॅनिंगचा त्रास सहन करावा लागतो. यामुळे त्वचा खराब आणि निस्तेज बनते. या फेस पॅकमुळे चेहऱ्याला नैसर्गिक चमक मिळते. पिंपल्स कमी होतात.
डोळ्यांखाली काळी वर्तुळे कमी करण्यासाठी बीटरूट फेस पॅक रामबाण उपाय आहे. यामुळे डोळ्यांजवळची त्वचा अधिक मुलायम आणि मऊ होते.
तुम्ही यात कोरफडीचे जेल देखील टाकू शकता. कोरफडमध्ये दाहक-विरोधी गुणधर्म आहेत. जे त्वचेची जळजळ कमी करते. तसेच उजळ बनवण्यास मदत करते.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.