Shreya Maskar
बीटरूट कटलेट बनवण्यासाठी बीट, आलं, लसूण, हिरवी मिरची, कांदा, कोथिंबीर, मीठ , गरम मसाला, लिंबू, आमचूर पूड, ब्रेडक्रम्ब्स, रवा, बटाटा, तेल इत्यादी साहित्य लागते.
बीटरूट कटलेट बनवण्यासाठी सर्वप्रथम बीट स्वच्छ धुवून त्यांची साल काढून घ्या. कटलेट बनवण्यासाठी छोट्या बीटचा वापर करा.
त्यानंतर बीट चांगले किसून घ्या. मोठ्या बाऊलमध्ये किसलेले बीट आणि उकडलेला बटाटा टाकून मिक्स करा.
तुम्ही बटाट्या ऐवजी पनीर देखील वापरू शकता. तुमच्या आवडीनुसार पनीर आणि बटाट्याची निवड करा.
बाऊलमध्ये कांदा, हिरव्या मिरचीचे तुकडे, कोथिंबीर, आलं-लसूण पेस्ट घालून सर्व एकजीव करून घ्या.
यात चवीपुरते मीठ, आमचूर पूड, कोथिंबीर, लिंबाचा रस घालून व्यवस्थित मिक्स करा. तुम्ही यात काजूचे तुकडे देखील टाकू शकता.
मिश्रणाचे छोटे गोळे करून त्यांना कटलेटचा आकार द्या. तयार कटलेट ब्रेडक्रम्ब्समध्ये घोळवून घ्या.
एका पॅनमध्ये तेल गरम करून त्यात बीटरूट कटलेट्स गोल्डन फ्राय करून घ्या. बीटरूट कटलेट खमंग, लालसर झाले की पुदिन्याची चटणीसोबत याचा आस्वाद घ्या.