Gangappa Pujari
बीड लोकसभा मतदारसंघातून भारतीय जनता पक्षाने पंकजा मुंडे यांना उमेदवारी दिली आहे. पंकजा मुंडेंनी बुधवारी उमेदवारी अर्ज दाखल केला.
पंकजा मुंडे यांनी त्यांच्या संपत्तीसंदर्भातील तपशील या उमेदवारी अर्जाबरोबर सादर केलेल्या प्रतिज्ञापत्रात दिला आहे.
पंकजा मुंडेंकडे 3 लाख 64 हजाराची रोख रक्कम आहे. तर त्यांची एकूण रोकड, बँकांमधील ठेवी, गुंतवणूक अशी 6 कोटी 17 लाखाची जंगम मालमत्ता आहे.
त्याचबरोबर 4 कोटी 45 लाखाची स्थावर मालमत्ता अशी 10 कोटी 54 लाखाची एकूण संपत्ती पंकजा मुंडे यांनी जाहीर केली आहे.
पंकजा मुंडे यांचे पती चारुदत्त पालवे यांच्याकडे स्थावर , जंगम अशी मिळून 35 कोटी 48 लाखाची मालमत्ता आहे .
अशा पद्धतीने मुंडे कुटुंबाची संपत्ती तब्बल 46 कोटींची आहे.
पंकजा मुंडे यांच्याकडे 450 ग्रॅम सोनं असून 4 किलो चांदी असल्याचं त्यांनी प्रतिज्ञापत्रात जाहीर केलं आहे.
2019 च्या विधानसभा निवडणुकीत पंकजा मुंडे यांनी जाहीर केलेली संपत्ती तब्बल 35 कोटींची होती.