Shreya Maskar
आरोग्य तज्ज्ञांच्या मते, केळी खाल्ल्याने रक्तदाब नियंत्रणात ठेवण्यास मदत होऊ शकते. मात्र त्यांचे प्रमाण मर्यादित असावे.
केळ्यामध्ये पोटॅशियम हे महत्त्वाचे खनिज असते. पोटॅशियम शरीरातील सोडियमचे संतुलन राखण्यास आणि रक्तवाहिन्यांवरील ताण कमी करण्यास मदत करते.
दररोज एक मध्यम आकाराचे केळे खाऊ शकतात. बीपीच्या रुग्णांनी पिकलेली केळी खाणे अधिक फायदेशीर असते. सकाळी नाश्त्यासोबत किंवा मधल्या वेळेत केळे खाऊ शकता.
केळी पौष्टिक असली तरी केवळ रक्तदाब कमी करण्यासाठी वारंवार, जास्त प्रमाणात खाण्याची गरज नाही. संतुलित आहारात आपल्या गरजेनुसार केळीचा समावेश करा.
किडनीचा आजार असलेल्या व्यक्तीने केळी खाताना विशेष काळजी घ्यावी. किडनीची कार्यक्षमता कमी असल्यास रक्तातील पोटॅशियम वाढू शकते. अशा वेळी केळ्याचे प्रमाण डॉक्टर किंवा आहारतज्ज्ञांच्या सल्ल्याने ठरवा.
केळ्यामध्ये असलेले पोटॅशियम रक्तदाब नियंत्रणासाठी उपयुक्त ठरते. मात्र, मीठ कमी खाणे, नियमित व्यायाम, संतुलित आहार आणि डॉक्टरांच्या सल्ल्यानुसार औषधे घेणे या गोष्टीही तितक्याच महत्त्वाच्या आहेत.
पचनक्रिया सुधारण्यास मदत करते, शरीराला ऊर्जा मिळते, मेंदू आणि मज्जासंस्थेला पोषण देते, पोट जास्त वेळ भरल्यासारखे वाटते, हृदयाच्या आरोग्यासाठी फायदेशीर ठरते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.