Shruti Vilas Kadam
२ कप मैदा, अर्धा कप तूप, अर्धा कप दही, अर्धा चमचा बेकिंग पावडर, चिमूटभर मीठ, तळण्यासाठी तेल किंवा तूप, १ कप साखर, अर्धा कप पाणी, अर्धा चमचा वेलची पूड, बदाम आणि पिस्त्याचे काप
सर्वप्रथम एका भांड्यात मैदा चाळून घ्या. त्यात बेकिंग पावडर आणि चिमूटभर मीठ घालून व्यवस्थित मिसळा. मैद्यात तूप घालून हाताने चांगले मिसळा. त्यानंतर थोडे थोडे दही घालून पीठ तयार करा. पीठ जास्त घट्ट करू नका. ते हलक्या हाताने मळून १५ ते २० मिनिटे झाकून ठेवा.
तयार पिठाचे छोटे गोळे करा. प्रत्येक गोळ्याला हलक्या हाताने चपटा आकार द्या. मधोमध अंगठ्याने छोटासा खड्डा करा.
कढईत तेल किंवा तूप गरम करा. गॅस मंद ठेवा आणि त्यात बालुशाही सोडा. दोन्ही बाजूंनी सोनेरी रंग येईपर्यंत हळूहळू तळून घ्या.
एका भांड्यात साखर आणि पाणी घालून गरम करा. साखर विरघळल्यानंतर त्यात वेलची पूड घाला. पाकाला थोडा चिकटपणा येईपर्यंत शिजवा.
तळलेली बालुशाही थोडी थंड झाल्यावर कोमट साखरेच्या पाकात सोडा. साधारण १० ते १५ मिनिटे पाकात ठेवा, जेणेकरून पाक बालुशाहीमध्ये छान मुरेल.
बालुशाही पाकातून बाहेर काढून ताटात ठेवा. त्यावर बारीक कापलेले बदाम आणि पिस्त्याचे काप घाला. तयार आहे खुसखुशीत आणि स्वादिष्ट बालुशाही!