Surabhi Jayashree Jagdish
अमेरिका आणि इस्रायलने इराणवर केलेल्या हल्ल्यानंतर मिडल ईस्टमधील राजकीय तणाव अधिकच वाढताना दिसतोय. बल्गेरियातील अंध भविष्यवक्ता म्हणून ओळखल्या जाणाऱ्या बाबा वेंगानी याबाबत भाकित केलं असल्याचं समोर आलं आहे.
२०२५ च्या अखेरीसच बाबा वेंगाने पुढील वर्ष म्हणजे २०२६ मध्ये मोठे युद्ध होण्याची शक्यता व्यक्त केली होती. त्यांच्या मते या काळात जगभरात मोठ्या संघर्षाची परिस्थिती निर्माण होऊ शकते.
बाबा वेंगाच्या भविष्यवाणीनुसार २०२६ मध्ये होणाऱ्या संघर्षाचा परिणाम संपूर्ण जगावर होऊ शकतो. वर्षाच्या सुरुवातीलाच या युद्धाची ठिणगी पडू शकते, असं त्यांनी सांगितलं होतं.
या संघर्षामुळे मोठ्या प्रमाणात जीवितहानी आणि आर्थिक नुकसान होण्याची शक्यता बाबा वेंगा यांनी व्यक्त केली होती. त्यामुळे आंतरराष्ट्रीय राजकारण आणि शक्तींचं समीकरण बदलू शकणार आहे. अशी भीती व्यक्त केली जाते.
माहितीनुसार, हा संघर्ष पूर्वेकडून सुरू होऊन हळूहळू पश्चिमेकडे पसरणार असल्याचंही त्यांनी सांगितलंय. त्याचा सर्वाधिक परिणाम युरोपातील काही भागांवर होऊ शकतो आणि तिथे मोठ्या प्रमाणावर विनाश होऊ शकतो.
या परिस्थितीनंतर रशिया अधिक मजबूत जागतिक शक्ती म्हणून पुढे येऊ शकतो, असा दावा केला जातोय. त्यामुळे जागतिक शक्तींच्या समतोलात मोठा बदल होऊ शकतो.
बाबा वेंगाची आणखी एक धक्कादायक भविष्यवाणी म्हणजे २०२६ मध्ये मानवाचा प्रथमच एलियन्सशी संपर्क होऊ शकतो. त्यांच्या मते, पृथ्वीवर एक अंतराळयान येईल आणि मानवजातीला कळेल की विश्वात आपण एकटे नाहीत.