Shruti Vilas Kadam
स्मार्टफोन, टॅबलेट, टीव्ही यांसारख्या उपकरणांचा वापर रात्री टाळावा. यांमधून निघणारे निळ्या रंगाचे प्रकाश झोपेसाठी आवश्यक असलेल्या मेलाटोनिन हार्मोनच्या निर्मितीमध्ये अडथळा निर्माण करतात.
कॉफी, चहा, सॉफ्ट ड्रिंक्स यांमध्ये असलेले कॅफीन आणि अल्कोहोलचे सेवन रात्री टाळावे. हे पदार्थ मेंदूला उत्तेजित करतात, ज्यामुळे झोप येण्यास विलंब होतो .
रात्री जड, मसालेदार किंवा तळलेले अन्न खाल्ल्याने अपचन, गॅस्ट्रिक समस्या आणि झोपेत अडथळा येऊ शकतो.
रात्री तणावपूर्ण किंवा भावनिक चर्चा केल्याने मेंदू सक्रिय होतो, ज्यामुळे झोप येण्यास अडथळा येतो. शांत आणि सकारात्मक वातावरण झोपेसाठी उपयुक्त ठरते.
रात्री उशिरा केलेला तीव्र व्यायाम मेंदू आणि शरीराला उत्तेजित करतो, ज्यामुळे झोप येण्यास अडथळा येतो. व्यायाम सकाळी किंवा संध्याकाळी लवकर करणे अधिक फायदेशीर ठरते.
रात्री उशिरा खाणे किंवा स्नॅक्स घेणे अपचन आणि झोपेच्या अडचणींना कारणीभूत ठरू शकते. अशा सवयीमुळे वजन वाढण्याची शक्यता देखील वाढते.
झोपेच्या वेळेची टाळाटाळ केल्याने झोपेची वेळ कमी होते, ज्यामुळे थकवा, चिडचिड, आणि एकाग्रतेची कमतरता निर्माण होते. नियमित झोपेची वेळ ठरवून ती पाळणे आवश्यक आहे.