Surabhi Jayashree Jagdish
वजन कमी करण्यासाठीचे प्रोडक्ट्स किंवा फिटनेस गिफ्ट पत्नीला अप्रत्यक्षपणे तिच्या शरीरावर टीका केल्यासारखी वाटू शकतात. त्यामुळे तिच्या भावना दुखावण्याची शक्यता असते. अशा भेटवस्तूंमुळे गैरसमज निर्माण होऊन नात्यात तणाव वाढू शकतो.
केवळ औपचारिकता म्हणून कमी दर्जाचे किंवा अतिशय स्वस्त कपडे भेट देणं योग्य नाही. अशा गिफ्टमुळे पत्नीला तिच्या आवडीचा किंवा भावनांचा विचार केला गेला नाही, असं वाटू शकतं. भेटवस्तूची किंमत नव्हे, तर त्यामागील विचार महत्त्वाचा असतो.
पत्नीला उपयोग नसलेली इलेक्ट्रॉनिक वस्तू भेट म्हणून दिल्यास ती अनावश्यक वाटू शकते. तिच्या गरजा आणि आवडी न समजून घेतल्याची भावना निर्माण होऊ शकते. त्यामुळे गिफ्ट निवडण्यापूर्वी तिची आवश्यकता जाणून घेणं योग्य ठरतं.
प्रत्येक व्यक्तीची सुगंधाची आवड वेगळी असते. आवड न विचारता परफ्यूम भेट दिल्यास तो वापरला जाणार नाही आणि निराशा होऊ शकते. त्यामुळे परफ्यूम देण्यापूर्वी तिच्या पसंतीची माहिती असणं आवश्यक आहे.
तिला आवडणाऱ्या वस्तूंची निवड केल्यास भेट अधिक खास वाटते. तिच्या छंद, शैली आणि पसंतीनुसार गिफ्ट दिल्यास ती खूश होते. अशा छोट्या गोष्टी नात्यातील जवळीक वाढवतात.
अनेक महिलांना साडी, बांगड्या, नेलपेंट किंवा कानातले अशा पारंपरिक आणि वैयक्तिक गिफ्ट्स आवडतात. अशा भेटींमधून जोडीदाराने तिच्या आवडीचा विचार केल्याचं दिसून येतं. त्यामुळे तिच्या चेहऱ्यावर आनंद फुलण्याची शक्यता अधिक असते.
कोणतंही गिफ्ट देताना त्यामागील प्रेम, आदर आणि आपुलकी सर्वात महत्त्वाची असते. जोडीदाराच्या भावना समजून घेत योग्य भेट दिल्यास नातं अधिक मजबूत होतं. विचारपूर्वक निवडलेली छोटीशी भेटही मोठा आनंद देऊ शकते.