Surabhi Jayashree Jagdish
कार धुणं हे सोपं काम वाटतं, पण चुकीच्या पद्धतीने कार धुतल्यास तिच्या पेंटवर परिणाम होऊ शकतो. काही चुका केल्यामुळे कारवर स्क्रॅच किंवा पाण्याचे डाग पडू शकतात. त्यामुळे कार धुताना काही गोष्टी आवर्जून टाळायला हव्यात.
कडक उन्हात कार धुणं टाळा. उन्हामुळे पाणी कारच्या पृष्ठभागावर लवकर सुकते. त्यामुळे कारवर पाण्याचे डाग राहू शकतात.
कार पुसण्यासाठी घरातील जुने कपडे वापरणं टाळावं. अशा कपड्यांमुळे कारच्या पेंटवर स्क्रॅच पडू शकतात. कार पुसण्यासाठी योग्य मायक्रोफायबर कापड वापरणं योग्य आहे.
कार धुण्यासाठी डिशवॉश लिक्विडचा वापर करू नये. हे कारच्या पेंटसाठी बनवलेलं नसतं. त्यामुळे कारची चमक कमी होऊ शकते.
संपूर्ण कार धुण्यासाठी एकाच बादलीतील पाणी वापरणं टाळावं. कारवरील माती घाण पाण्यात मिसळत जाते. त्याच पाण्याने पुन्हा कार धुतल्यास घाण कारच्या पेंटवर परत लागू शकते.
कार धुतल्यानंतर ती आपोआप सुकण्यासाठी सोडू नये. कारच्या पृष्ठभागावर राहिलेलं पाणी सुकल्यानंतर डाग पडू शकतात. त्यामुळे धुतल्यानंतर स्वच्छ कापडाने कार पुसावी.
कार धुताना योग्य पद्धत आणि योग्य साहित्य वापरणं महत्त्वाचं आहे. कार धुतल्यानंतर तिच्या पृष्ठभागावर पाणी राहणार नाही याची काळजी घ्यावी. योग्य पद्धतीने कारची स्वच्छता केल्यास तिचा पेंट आणि चमक चांगली ठेवता येते.