Shreya Maskar
साउथ स्टाइल फिल्टर कॉफी बनवण्यासाठी कॉफी पावडर, पाणी, दूध, साखर इत्यादी साहित्य लागते. मात्र याचे प्रमाण योग्य असावे.
फिल्टर कॉफी बनवण्यासाठी विशेष स्टील फिल्टर वापरला जातो, ज्यामध्ये दोन भाग असतात. वरच्या भागात दोन चमचे कॉफी पावडर टाका आणि हलके दाबा, म्हणजे कॉफी पावडर चांगली सेट होईल.
आता फिल्टरच्या वरच्या भागात हळूहळू गरम पाणी टाका, म्हणजे कॉफी पावडर पूर्णपणे भिजते. पाणी हळूहळू तळाशी जाईल आणि छान कॉफी तयार होईल.
दुसरीकडे २ कप दूध थोडे घट्ट आणि मलाईदार होईपर्यंत गरम करा. त्यामुळे कॉफीची चव आणखी छान लागते.
आता फिल्टरमध्ये तयार झालेले मिश्रण एका कपात ओता, त्यात चवीनुसार साखर घाला आणि नंतर गरम दूध घाला. लक्षात ठेवा की दूध घालताना कॉफी हलकेच हलवा, जेणेकरून ते चांगले मिसळेल.
कॉफीवर फ्रॉथ बनवण्यासाठी कॉफी एका कपातून दुसऱ्या कपमध्ये उंचावरून ओता. असे दोन-तीन वेळा केल्याने कॉफी फेसाळते.
अशाप्रकारे साऊथ इंडियन स्टाइल पारंपरिक फिल्टर कॉफी तयार झाली आहे. पावसाळ्यात शरीराला ताजेतवाने ठेवण्यासाठी फिल्टर कॉफी नक्की प्या.
फिल्टर कॉफीसोबत गरमागरम इडली, कुरकुरीत डोसा, मेदू वडा, मऊ उपमा, कांदा भजी चटपटीत लागतात.